Qui est styliste شكون هو ستيليست

الستيليست هو اللي كيكون فاهم تاريخ الموضة تاع الازياء ومتبعها كيكون ملم بمجموعة من الماركات والمصممين وعارف شنو كيصايبو, هو لي كيرسم الموديلات وكيخلق لينا لبسة وستيل جديدة من المخيلة تاعو, كيحتاج ديما واحد croquis

اللي هو جسم الانسان كيكون مرسوم بالقلم على الورق , كيقدر يستعملو باش يرسم الموديل اللي كيتخايل فوقو, او ميستعملوش كيبقى حر حسب موهبته في الرسم, يقدر يرسم أشكال مختلفة من les robes أو Les Vestes أو Les Manteaux أو Chemisiers

او يرسم التفاصيل تاعها بحال poches, cols, poignets

هو اللي كيختار القماش وكيناسق الالوان على حساب الرغبات تاعو او تاع Client, هاد المجال فيه حس الابداع اكثر, كيبغي الخدمة والوقت بزاف واللغة بالخصوص الانجليزية, ستيليست في اغلب الاحيان كيرسم على الورق او كيرسم في الحاسوب ببرامج التصميم بحال مثلا Illustrator

وايضا كيستعمل mannequin الاصطناعية

معروفة عند مصممي الازياء هي لي كيشكل عليها الموديل تاعو, كيبقى يلبَّس ويقاد عليها الموديل تاعو, هاد العملية كتسمى Le moulage , يقدر يفصل ويخيطها بطريقتو. وي خاصو يكون كيعرف يفصل ويخيط, الستيليست كيهتم بالتفاصيل الابداعية أكثر تاع الملابس وديما كيبحث على الجديد.

كاين بزاف دلبنات عندهم موهبة الرسم كيرسمو موديلات زوينين. جلالب, قفاطن, عابايات, ولكن كتبقى مجرد موهبة شخصية للمتعة.